Kabhi socha hai, ki ek successful insaan jo sab kuch theek kar raha ho, wo bhi andar se khokhla ho sakta hai? Samjho, ek insaan subah uthta hai, roz ki tarah taiyaar hota hai, kaam par jaata hai, sab kuch theek lagta hai... par andar hi andar, wo toot raha hota hai. Yeh depression ka sach hai – jo dikhai nahi deta, par dil aur dimaag dono ko kha jaata hai. Aur jab baat aati hai mardon ki, yeh aur bhi chhup jata hai.
Aaj hum baat karenge ek aise mudde par, jo aksar nazarandaaz ho jaata hai – mardon mein depression ke signs. Yeh signs asaan nahi hote dekhna, par agar aapko inki pehchaan ho, toh aap kisi ki zindagi badal sakte ho. Is blog mein, hum aapko wo sab kuch batayenge jo aapko pata hona chahiye.
Jab ek aadmi depression mein hota hai, toh wo apne emotions ko chhupata hai. Koi usse strong banne ko kehta hai, toh koi kehta hai "mard ko dard nahi hota." Lekin andar se, wo emotions ka samundar mein doob raha hota hai. Yeh kahani sirf us aadmi ki nahi, balki hum sabki hai. Kabhi kabhi, hume pata hi nahi chalta, ki humare aas-paas koi chhupke chhupke toot raha hai.
Depression ke kuch signs hote hain jo aapko dekhne chahiye:
Yeh sab milke, insaan ko andar se kamzor bana dete hain. Mardon mein yeh signs aur bhi confusing ho sakte hain kyunki unhe apni dukh se nipatne ki training nahi milti. Aur jab yeh signs aur symptoms kaafi samay tak chalein, toh wo insaan ko ek andheri jagah mein le jaate hain jahan se wapas aana mushkil ho jaata hai.
Research kehta hai ki puri duniya mein lagbhag 264 million log depression se joojh rahe hain, aur India mein hi yeh sankhya 56 million tak pahunchti hai. Har ghante, India mein 16 log depression ke kaaran apni jaan le lete hain. Mardon ke beech yeh sankhya aur bhi zyada hoti hai, kyunki wo apni feelings ko daba dete hain. Yeh problem kisi ek jagah ya desh tak simit nahi, yeh ek vishwa vyaapi samasya hai.
Solution dhundhna asaan nahi, par hai zaroor.
Pehla kadam hai acceptance – apne emotions ko maan lena. Jab aap kisi aadmi ko dekho jo akela hai, usse baat karo, uske emotions ke baare mein pucho.
Ek story mein example karne ki koshish karta hun, toh sochiye ek aadmi ka, jo roz subah 5 baje uth kar bhaagta tha. Log samajhte the, wo fit rehne ke liye bhaagta hai, par sach yeh tha ki wo apne depression se bhaag raha tha. Ek dost ne ek din usse pucha ki wo kaisa mehsoos kar raha hai, aur yeh ek simple question uski life badal gaya. Solution yeh nahi ki aap apne emotions ko dabaayein, balki yeh ki aap unhe maan kar kisi apne se share karein. Therapy, mindful meditation, aur physical activity bhi kaafi madad karte hain.
Agar aap ya aapka koi apna aise signs se guzar raha hai, toh abhi waqt hai help lene ka. Hamare 2-day workshop "Magical Break Through - overcome Barrier to Success" mein jud kar aap apne dimaag ko ek naye tareeke se condition kar sakte hain, jo aapko inner peace aur clarity denge. Click here to know more!
