Anxiety aur depression – do aise lafz jo aajkal har dusre bande ki zubaan par hain. Lekin kya yeh dono same hain? Kya dono ek hi dard hai ya phir alag alag challenges? Aapko lagta hoga ki yeh toh bas modern zamane ki baatein hain, lekin yeh humare aaj ke time ke sabse bade health issues hain. Aap har roz news mein sunte ho, logon se sunte ho, lekin aaj hum yeh baat alag tareeke se samjhenge. Samajhne ke liye thoda sa waqt nikalo, kyunki yeh samajhna zaroori hai ki anxiety aur depression aapke life par kya asar daal rahe hain.
Aapko kabhi kabhi lagta hai ki aap bekaar mein hi tension le rahe ho? Ya phir aapko lagta hai ki aapka mood hamesha down rehta hai? Dono hi situations aapko emotional aur mental taur par thaka deti hain, aur kabhi kabhi samajh nahi aata ki aakhir problem kya hai. Aaj hum yeh confusion door karenge aur samjhenge ki anxiety aur depression mein fark kya hai, aur kaise yeh dono alag alag tareeke se aapki life ko impact kar sakte hain.
Sochiye, jab aapko chhoti si baat par anxiety hoti hai – woh interview jo agle hafte hai, ya phir ek presentation jo aapko deni hai. Aap din raat iske baare mein sochte rehte ho, neend nahi aati, aur kabhi kabhi toh dil ki dhadkan bhi tez ho jaati hai. Yeh hai anxiety ka asar. Ab sochiye, jab yeh feeling lagataar rehne lage aur aapko har cheez mein negativity dikhai dene lage. Aap apni favourite activities mein bhi interest khona lagte ho, aur aapko lagta hai ki sab kuch meaningless hai. Yeh hai depression ka asar. Dono hi situations aapko helpless aur exhausted feel karwate hain, lekin dono ke symptoms alag hain.
Cause and Effects
Anxiety aur depression ke beech mein ek thin line hai, jo inke symptoms ko alag karta hai. Anxiety mein aap hamesha ek uncertainty aur worry feel karte hain. Aapko lagta hai ki koi na koi bura hone wala hai, lekin aap yeh nahi samajh pate ki yeh feeling kyun aa rahi hai. Iske symptoms mein excessive worrying, restlessness, fatigue, difficulty in concentration, aur muscle tension shamil hain. Yeh symptoms aapko physically aur mentally dono hi taur par weak kar dete hain.
Dusri taraf, depression mein aapko sadness, hopelessness, aur worthlessness ka ehsas hota hai. Aapki energy levels down ho jaati hain, aur aap har waqt thakawat feel karte hain. Aapko neend mein dikkat hoti hai, ya toh aap bohot zyada so lete hain ya phir bilkul nahi so pate. Aapko apne weight mein changes dikhai dete hain, aur aap apni favourite activities mein bhi interest khona lagte hain. Yeh sab milkar aapki productivity aur relationships par bura asar daalte hain.
Agar yeh symptoms lambe samay tak chalti hain, toh yeh aapki health ko aur bhi zyada affect kar sakti hain. Anxiety aur depression dono hi aapko ek vicious cycle mein daal sakte hain, jahan se nikalna mushkil ho jaata hai. Aapko lagta hai ki aap akela hai, lekin sach yeh hai ki duniya bhar mein bohot saare log is dard ko mehsoos kar rahe hain.
Research Global and Indian Data
Anxiety aur depression duniya bhar mein ek global health concern ban chuka hai. World Health Organization (WHO) ke according, 2019 mein lagbhag 264 million log anxiety ke shikar the, aur depression se 322 million log suffer kar rahe the. Yeh sirf ek number nahi hai, balki yeh logon ki zindagi ka ek ahem hissa hai. Har minute, har second, kisi na kisi ko yeh problem face karni padti hai.
India mein yeh problem aur bhi zyada alarming hai. Ek study ke hisaab se, har ghante lagbhag 28 log depression aur anxiety ke karan apni zindagi khatam kar lete hain. India mein 2020 mein anxiety ke cases 15% se badh gaye the, jo ki COVID-19 ke baad aur bhi zyada burhi halat mein aa gaye. Aur yeh sirf adults tak seemit nahi hai; young adults aur teenagers bhi iski chapeet mein hain. Yeh ek serious issue hai, jo har ghar, har family ko affect kar raha hai.
Yeh data yeh dikhata hai ki yeh sirf aapka ya mere problem nahi hai, yeh poore society ka problem hai. Aur jab tak hum isse samajhne aur is par baat karne ke liye serious nahi hote, tab tak yeh problem badhti hi jayegi.
Solve the Problem Watch this video 👇👇👇
Agar aap anxiety ya depression se joojh rahe hain, toh aap akela nahi hain. Yeh blog aapke liye ek pehla step hai samajhne ke liye ki aapko kya problem hai aur kaise isse handle karna hai. Lekin agar aapko lagta hai ki aapko professional help ki zarurat hai, toh bina kisi jhijhak ke aage badhiye.
